Ortalyq kommýnıkasııalar qyzmetinde «Dýaldi oqytýdy engizý» taqyrybynda baspasóz máslıhaty ótti. Sharaǵa Bilim jáne ǵylym mınıstrliginiń vıse-mınıstri Ashat Aımaǵambetov, Germanııanyń halyqaralyq sarapshysy Raıner Gerts jáne bıznes ókilderi Oksana Bıtner men Nadejda Gýtovskaıa qatysty.
Baspasóz maslıhaty dýaldi oqytýdy engizýdiń aǵymdy jaǵdaımen jáne bıznespen áriptestiginiń damýy, bilikti kadrlardy daıarlaýdyń jáne eńbek naryǵyna qajetti mamandardy daıarlaý boıynsha halyqty aqparattandyrý maqsatynda ótkizildi.
Spıkerler dýaldi oqytýdyń normatıvtik quqyqtyq bazasyn jaqsartý týraly habardar etti, dýaldy oqytýdy engizý salasynda áriptestik jáne tetikteri, dýaldi oqytýdy engizý de problemalar jáne olardy sheshý joldary týraly tanystyrdy. Halyqaralyq sarapshymen dýaldy oqytýdy engizý jóninde baǵa berildi jáne dýaldy oqytýdy damytýdy jalǵastyrý úshin usynystar aıtyldy.
Daýldy oqytýdy júzege asyrýdyń kadrlardy daıarlaý ındýstrııanyń suranystaryna maksımaldy jaqyndatylǵan, teorııamen tájirıbe arasynda alshaqtyǵyn joıý, bolashaqty jumysshynyń jańa psıhologııasyn qurý, bilim alýdyń joǵary motıvasııasyn jáne jumys oryndarynda praktıkalyq daǵdylaryn ıgerý, qajetti kásibı tájirıbeni alý, qyzmetkerler men bıznes-prosester týraly bilim alý degen oń jaqtary bar.
«О́zderińizge belgili 2012 jyldan bastap Elbasy Nursultan Nazarbaevtyń tapsyrmasyna sáıkes elimizdiń kásiptik-tehnıkalyq bilim berý salasynda dýaldi oqytý salasy keńinen iske asyrylyp jatyr. Búgingi kúni, 2018 jyly bul dýaldi kásiptik tehnıkalyq bilim berý máselesi qolǵa alynyp, jalpy elimizdegi kolledjderdiń 56 paıyzy osy dýaldi tehnıkalyq ádispen oqytylyp jatyr dep aıta alamyz. Kolledjderdi qamtý arqyly dýaldy oqytý aıtarlyqtaı keńeıtildi. 2013 jyly 176 – dan, 2017 jyly 460 – qa deıin ósip, 56 paıyz jalpy kolledjder jáne 70 paıyzy tehnıkalyq, tehnologııalyq jáne aýyl sharýashylyq kolldjder qurap otyr. Kásiporyndar 2013 jyly 2097 – dan, 2017 jyly 3055 kásiporynǵa deıin artty, sharttardyń sany 2013 jyly 2902 sharttan, 2017 jyly 10993 shartqa deıin ósti», dep atap ótti Bilim jáne ǵylym mınıstrliginiń vıse-mınıstri Ashat Aımaǵambetov.
Raýan QAIDAR, «Egemen Qazaqstan»